Aaiye Haath Uthaayein Ham Bhii

Aaiye haath uthaayein ham bhii
Ham jinhen rasm-e-dua yaad nahin
Ham jinhen soz-e-mohabbat ke siwaa
Koii but, koii Khudaa yaad nahin
Aaiye arz guzaren ki nigaar-e-hastii
Zahar-e-imaroz mein shiriini-e-fardaaN bhar de
Wo jinhein tabe garaaNbaarii-e-ayyaam nahin
Unaki palakon pe shab-o-roz ko halkaa kar de
Jinaki aaNkhon ko ruKh-e-subh kaa yaaraa bhi nahin
Unaki raaton men koi shamaa munawwar kar de
Jinake qadamon ko kisi rah kaa sahaaraa bhi nahin
Unakii nazaron pe koi raah ujaagar kar de
Jinakaa din pairavii-e-kazbo-riyaa hai unako
Himmat-e-kufr mile, jurat-e-tahaqiiq mile
Jinake sar muntazir-e-teG-e-jafaa hain unako
Dast-e-qatil ko jhaTak dene kii taufiiq mile
Ishq kaa sarr-e-nihaaN jaan-tapaaN hai jis se
Aaj iqaraar karen aur tapish miT jaaye
Harf-e-haq dil mein KhaTakataa hai jo kaNTe kii tarah