Ajnabi sheher kay ajnabi rastay, meri tanhai per muskuratay rahay
Main bohat dair tak yunhi chalta raha, tum bohat dair tak yaad atay rahay
Zeher milta raha zeher pitay rahay, rooz martay rahay rooz jitay rahay
Zindagi bhi humain aazmati rahi, or hum bhi ossay aazmatay rahay
Zakhum jab bhi koi dil par laga zindagi ki taraf ek daricha khula
Hum bhi goya kisi saraz kay tar hien chot khatay rahay gungunatay rahay
KAL kuch asa howa main bohat thak gaya, iss liyeh sun kay bhi un suni kar gaya
Kitni yadoun kay bhatkay howay karwaan, dil kay zakhamo kay dar khatkhatatay rahay
No comments:
Post a Comment