Ik roop ke sagar main nahaatii rahein aankhein
Kuch khwaab maire dil main sajaati rahein aankhein
Yaadon ke dareeche pe wo daiti rahein dastak
Kal raat bohat mujh ko sataati rahein aankhein
Palkon se tapakne na diya aik bhi aansuu
Ye rasm-e-muhabbat bhi nibhaati rahein aankhein
Ehsaas ke zeene se utarti rahi khushbuu
Madhosh maire dil ko banaati rahein aankhein
Pyaasa hi me phirta raha sehraaon ma' jab ke
Darya ki taraf mujh ko bulaatii rahein aankhein
Shayed kabhii gir jaaye ye deewaar anaa ki
Is aas pe tuufaan uthaatii rahein aankhein
No comments:
Post a Comment