Neeyat-e-Shauq Bhar Na Jaye Kahin
Tu Bhi Dil Say Uter Na Jaye Kahin
Aaj Dekha Hai Tujh Ko Dair Kay Baad
Aaj Ka Din Guzar Na Jaye Kahin
Na Mila Ker Udaas Logon Say !!!
Husn Tera Bikhar Na Jaye Kahin
Arzoo Hai Tu Yahan Aaye
Aur Phir Umr Bhar Na Jaye Kahin
Ji Jalata Hoon Aur Sochta Hoon
Raeigaan Ye Hunr Na Jaye Kahin
Aao Kuch Dair Rou He Lain Nasir
Phir Ye Derya Uter Na Jaye Kahin
No comments:
Post a Comment