Ye chubhan akaily pun ki,ye lagan udaas shab se
Mai hawa se lar raha hon, tujhay kaya bataon kub se
Ye sehar ki saazishain theen, ke ye inteqaam-e-shab tha
Mujhay zindagi ka suraj na bacha saka ghazab se
Tery naam se shafa ho koi zakhm wo ataa kar
Mere naama ber, milay tau usay kehna ye adab se
Wo jawan ruton ki shaamain, kahan kho gai hain Sagar
Main to bujh ke reh gaya hoon, wo bichar gaya hai jub se
No comments:
Post a Comment