Aae mohabbat kay khuda
Ye tu bata
Ye aansoun mei doni zindagi
Kab shanti kay kehkahon ka rang pehnay gee
Hamarey khawab kab tak
Raishmi ta'beer kay lamhoon ko tarseen gey
Hamarey khouf kab tak dour hoon gey
Aur baka ki jang mei
Hum kab talak majboor hoon gey
Aur
Wo badal
Hamare piyass ki mari houi dhertee pe
Kab barsein gey
Jin se khushboein tasweer hoon gee
Aae mohabbat kay khuda
Perda utha
Humko dikha wo bastiyan
Jin ki hawaon mein
Hamarey naam ki hoon takhtiyan
No comments:
Post a Comment