Aik Umeed Hai Lotoo Gay

Aik umeed hai lotoo gay aik din tum loog
Ik isi Aas pay khood ko sambhal rakha hai
Koi ghum Aay isay dil pay rook laitay hain
Per kisi toor bhee hum khud ko
Bikhranay nahi daitay
Hamari chokhatoon pay daikhtay hoo deep jo tum
Ye intizar hai charagh nahi
Or in main hasratoon ka indhian hai
Jo sham -0-saher
Hamaray saath jala karta hai.
Kuch nahi chaiya gari na koi bangla hamain
Tum nay jo khawab dikhay thay hamain jatay haoy
Kay tumharay kisi pardais chalay janay se
Ghar ka angan haseen khoshioon se mahek jay ga
Thik hi kahtay thay tum
Tum nay dollar hi itnay baijhay ke
Jo bhe chain kharid laitay hain
Jo bhe chaiya kharid saktay hain
Aa ke daikhoo to sabhee kuch hai hamaray ghar main
Her nay dhang ka electronics
Her nay rang ke Aasiyaishin hain
Garian, zaverat, bank balance
Kon se cheez dastiab nahi ?
Jan-e-man tum jo meray pass nahi
Saanp ban kar yeh hamain rooz rooz dasa karti hain.
Tum nahi to chand raat ko bhee
Ghar main waranian hi raqs kia karti hain.....