Taskeen na ho jis se wo raaz badal dalo
Jo raaz na rakh paye hamraaz badal dalo
Tum ne bhe suni ho gi barri aam kahawat
Anjaam ka ho khatra aaghaz badal dalo
Pur soz dilon ko jo muskaan na de paye
Sur hi na mile jis main wo saz badal dalo
Dushman ke iradon ko hay zahir agar karna
Tm khel wohi khelo andaz badal dalo
Ay dost karo himat kuch door sawera hy
Agar chahte ho manzil tu parwaaz badal dalo.
No comments:
Post a Comment