Aaj hum roothain
To kia aap manain gay humain?
Aaj hum roain
To kia aap hunsain gay humain?
Ab jo hum phir se ujrain
To kia aap karain ke aabad?
Aaj ager phir se humain chup lag jaye
Aaj ager phir se humaray dil main
Jaag uthay kai sadioon ki thakan
Aaj ager rooh main verani utar aaye
Too kia dalain gay kisi basti ki bunyad
Aaj ager koi udasi koi dukh
Koi peshamani,koi mout, koi ghum humain lenay aa jaye....
Hum bhi kia bikhray hoye
Ke najanay kia kia
Aap se bolay chalay jatay hain
Aap se pochay chalay jatay hain
Aaj hum pochain ...
To kia aap batain gay humain?
No comments:
Post a Comment