Mera Tamam Fun Meri Kavish

Mera tamam fun meri kavish mera riyaz
Ik na-tamam git ke misre hain jin ke bich
Mani ka rabt hai na kisi kafiye ka mel
Anjam jis ka tay na hua ho ik aisa khel
Meri mata bas yahi jadu hai ishq ka
Sikha hai jis ko main ne bari mushkilon ke sath
Lekin ye sahir-e-ishq ka tohfa ajib hai
Khulta nahi hai kuch ke haqiqat main kya hai ye
Taqdir ki ata hai ya koi saza hai ye
Kis se kahen ai jan ke ye qissa ajib hai
Kahne ko yun to ishq ka jadu hai mere pas
Par mere dil ke vaste itna hai is ka bojh
Sine se ik pahar-sa hatta nahi hai ye
Lekin asar ke bab main halka hai is qadar
Tujh pe agar chalaun to chalata nahi hai ye