Bohat kuch us se kehna hai
Bohat sara chupana hai
Usey ik din batana hai
Kay tere husn kay peechey
Meri deewnagi ka ik qissa hai
Tere haathon
Teri zulfon
Terey honton ki surkhi main mera bhi aik hissa hai
Usey ik din batana hai
Tmhari unglion ki surkh poron ko
Hatheli kay katoron ko
Ye merey hont cho leney ki hasrat main tarastey hain
Kay arman aankhon se barastey hain
Bohat sara chupana hai
Mager itna batana hai
Teri aankhon ki galion main merey din ka thikana hai
Ager is baat se naraz hota hai to hojaye
Meri raaton ko ashkhon main dubo jaye
Wo kho jaye!!
Mager itna to hojaye
Kisi iqdam se pehle
Usey main yaad to aaon
Kisi bhi naam se pehley
Usey main yaad to aaon ...!!!
No comments:
Post a Comment