Dua kar gham-e-dil, khuda se dua kar
Wafaaon ka majaboor daaman bichha kar
Dua kar gham-e-dil, khuda se dua kar
Jo bijali chamakati hai unake mahal par
Wo kar le tasallee, mera ghar jala kar
Dua kar gham-e-dil, khuda se dua kar
Salaamat rahe too, meri jaan jaaye
Mujhe is bahaane se hi maut aaye
Karoongi main kya chand saansen bacha kar
Dua kar gham-e-dil, khuda se dua kar
Main kya doon tujhe mera sab lut chuka hai
Dua ke siva mere paas aur kya hai
Gareebon ka ek aasaraa-e-khuda hai
Magar meri tujhase yahi iltaja hai
Na dil todana dil ki duniya basa kar
Dua kar gham-e-dil, khuda se dua kar
Wafaaon ka majaboor daaman bichha kar
Dua kar gham-e-dil, khuda se dua
No comments:
Post a Comment