Na jaane ashk se aankhoon mein kyon hai aaye hue
Guzar gayaa hai zamaanaa tujhe bhulaaye hue
Jo manzilein hain to bas raharavan-e-ishq kii hain
Wo saans ukhadii huii paanv dagmagaaye hue
Na rahzanoun se ruke raaste mohabbat ke
Wo kaafile nazar aaye lute lutaaye hue
Ab is ke baad mujhe kuchh khabar nahiin un ki
Gham aashanaa hue apane hue paraaye hue
Ye iztiraab saa kyaa hai ki muddatein guzarii
Tujhe bhulaaye hue terii yaad aaye hue
No comments:
Post a Comment