Udaas Raatoon Main Dil Ki

Udaas raatoon main dil ki basti main aa ke dekho
Her aik rasta , her ik dareecha
Tumhari aahat ka muntazir hai
Falaq se takta hai chaand tum ko ,sitare tum ko bula rehe hain
Tumhari aamad ke muntazir hain
Mager suna hai keh tum ne meri muhabbatoon ko bhula diya hai
Wafa ki low ko bhuja diya hai
Ager yeh sach hai to phir bataaoo
Tumhari aankhoon ke yeh jazeeray
Be-rang sehara udaas kiu hain
Gulab chehre ke rang main shamil
Udaasiyoon ke haras kiu hain
Tumhare sheerin laboon pe larzaan
Muhabbatoon ki yeh piyaas kiu hai
Mujhy yaqqeeen hai tumhare dil main
Gaye dino ke khayaal hain kuch
Naye safar ke mallal hain kuch
Nai rutoon ke sawaal hain kuch
Ager yeh sach hai
To meri maanoo
Purane raste pe loat aaaoo
Purani bastii main koi abb tak
Tumhaari aamad ka muntazir hai
Tumhari chahat ka muntazir hai