Chand Roz Aur Meri Jan

Chand roz aur meri jan faqat chand hi roz
Zulm ke chanw main dam lene par majbur hain ham
Ik zara aur sitam sah len tarap len ro len
Apne ajdad ki miras hai mazur hain ham

Jism par qaid hai jazbat pe zanjire hai
Fikr mahbus hai guftar pe taziren hain
Aur apni himmat hai ke ham phir bhi jiye jate hain
Zindagi kya kisi muflis ke qaba hai
Jis main har ghari dard ke paiband lage jate hain

Lekin ab zulm ki miyad ke din thore hain
Ik zara sabr ki fariyad ke thore hain

Arsa-e-dahar ke jhulsi hui wirani main
Ham ko rahna hai par yun hi to nahin rahna hai
Ajnabi hathon ka benam garan-bar sitam
Aj sahna hai hamesha to nahi sahna hai

Ye teri husn se lipti hui alam ki gard
Apni do roza jawani ki shikaston ka shumar
Chandani raton ka bekar dahakta hua dard
Dil ke besud tarap jism ki mayus pukar

Chand roz aur meri jan faqat chand hi roz